朋友共聚，當然就是打邊爐。
去年九月還在皇室堡的「海南四季」幫朋友慶生，豈料今年此時，食肆已結業。改了名字叫「醉翁亭」，但沿用回「海南四季」的裝修／枱櫈／碗碟。侍應生與經理大概全都換了，那種HEA的程度令人嘆為觀止，行動慢十拍､不與客人有眼神接觸､愛理不理､癡呆發作（但與同事互相吹水時又很精靈）………簡直讓人有種也想在這食肆工作的衝動。
此食肆現在主打是吃火鍋，而且是任食任叫那種。本來沒抱很大期望，但吃過後又覺得不錯。然而，吃火鍋最大的吸引力是什麼？NO NO NO不是牛肉，而是一班朋友圍在一起說說笑笑，無聊一番。
我較幸運，身邊總有好些無聊的朋友。這類人讓人感到世界美好，因為他們隨和隨性，沒太多限制規範，而且出口總有爛GAG，總的而言就是好好笑。
*****
打邊爐期間，提到我近日努力做運動。朋友伸手過來摸我大腿，看看肌肉是否結實。
我：係咪好硬呀？
草：唔係喎，都係好淋喎。
我：………………….
此際朋友又去摸另一個朋友的大腿，但此朋友是長年都不做運動，身形都OK大隻，像劍龍。
草：喂佢D肌肉按落去硬過你好多喎！
（賤口朋友出現）波：梗係啦，佢晚晚凌晨兩點踎係度洗衫，日日練，梗係結實啦。
劍龍朋友一直低頭不語，狂食牛肉！
*****
 |
| 我常鼓吹大家去維園散步談心。試想想，那是多麼浪漫 的事情啊！.......不過每當我有這個意向的時候，有位黃姓 朋友都會第一時間向我爆粗問候。 |
飯後，大家決定去維園看花燈及餵蚊。抬頭看到一輪明月，我說月亮好大呀。
草：現在是迎月啦，正日是賞月，然後就是追月了。
我：吓？！得三日咁少咋？
草：係呀，你仲想點呀。
波：哎呀，追月之後咪坐月囉。夠多啦！
大家爆笑。
*****
期間提到某朋友的個性固執，很難找到男朋友云云。
我：即係好似柏林圍牆咁，你D性格咁硬咁執着，好難令人接近架喎。
波：唉佢D咁既性格，唔好理東德定西德，總之係唔得啦。
爛GAG一個。
