*週日去了時代廣場13/F的California Pizza Kitchen，吃過一個磨菇辣肉腸薄餅後，久久未能忘懷，好好吃啊。但我不明白何解五六個人，會叫八九碟東西放在桌上。我們又不是大胃王，後來還有生日蛋糕吃，真的好飽好飽。*我是街市煞星！甚少入廚的我，因為在家裡設了火鍋宴，逼不得已要去街市買材料。看到活生生的鮑魚好像很吸引（其實我也不懂），買了十多隻，我問老闆娘，是直接放到火鍋裡滾熟牠嗎？她說對呀。
我：但個ｄ殼，好污糟咁喎。
老闆娘：你返去梗係要刷下個殼啦！
我：但咁放落去，會污染ｄ湯嘛？
老闆娘：唉，咁你獨立滾啦。得，我知你想問咩，滾五六分鐘都得架勒，綠色個d內臟唔好吃喎，會整污糟你腸胃架。
我：………
去到生蠔檔，那位檔主看到我有點大鄉里出城，出於善心地，指點了我幾句：
男檔主：亞妹妹，d蠔既邊，你返去要用生粉捽走佢喎。
我：生粉？！即係鷹粟粉呀？但我係打邊爐，唔係炸蠔喎。
男檔主：！！
（ok，我非常低能，因為一聽到鷹粟粉，我就直接想到炸的東西！我是完全不知道，原來生蠔那條黑邊，是要沖走的，而用了生粉，就可把蠔本身的黐立立（？）帶走）
男檔主：我知你打邊爐，我意思係你要用生粉洗條邊呀妹妹。
我（依然搏打）：生個時洗呀？（唉，我是真的沒有概念）
男檔主：…………（此時，充斥在蠔檔附近的師奶群，看到我的無知，已非常火滾，紛紛開始出言教我幾招………）
結論：千萬別叫我進廚房，唔該！
