我們朋友堆中，有位常被情困的先生，名字不便公開，我怕他又找我尋仇。
這幾天，我為了公事已十級煩燥，他大哥又常常在不對的時間致電我，唉。我明白我明白，所有被情所困的人，都會覺得自己是大晒的，所以我也盡量按捺自己的怒火，好言相勸。
對話如下：
多情先生：唉，怪，就只怪我長情，重感情，才會落得如此地步。
我（內心瘋狂燒炮仗，爆晒粗）（表面十級平靜）：哦，我明白。但最重要，是你想不想分手，或如何走下去喎……咁咁咁………（別忘記我曾是自殺熱線的輔導員啊！這種扮演聆聽者+輔導者的角色，我絕對演得頭頭是道）
多情先生：最近的情況呢，是咁咁咁……（講足幾十分鐘）……（我愈聽愈火滾，頂，又是三幅被！）
我（終於按捺不住，唻料）：不如咁啦，家下你整個程菲跳啦。你知唔知點解呀？
多情先生：吓？因為係B組動作，可以加0.5分？（頂丫佢又答到我喎）
我：無錯！如果咁有難度既動作你都能勝任，咁無野可以難到你啦，何況係亞X（他的女友）。拿拿聲去跳啦，去公園搵D類似平衡木唻跳啦。一係李小鵬既單吊大迴環都得，你快D去做啦！
多情先生：唓，咁不如我去挑戰菲比C，有菲比A、菲比B，仲有菲比C架。你三個好朋友丫嘛，我去挑戰菲比C先。（超賤，這段只有我們圍內的朋友才會明白吧）
我：你有無聽過「台上一分鐘，台下十年功」？什麼事情都要付出……（我還未說完，他又打斷我）
多情先生：我已好付出啦，點解佢地（歷任女友）咁對我丫？點解佢地咁仆街丫？點解先………
我：………咪講咁多，去程菲跳啦！
