上週過得好安靜，因為自稱火車頭的thomas西先生，去了滑雪。於是，每天的午飯時間，我都非常愜意地，吃過午飯後，可以小休一會兒。要知道，這位仁兄的最大嗜好，是壓榨我寶貴的休息時間。
但好景不常，上週六他大哥一到港，奪命的追魂電話又到。今天他像往常一樣，中午時份致電我。我覺得呢，假如有天我死了，他會去找問米婆，然後取得我的聯絡方法後，直接打去陰間找我囉。
今天他找我的目的，是約我食飯。又說很久沒跟我們食飯，甚掛念我們云云。我們會信嗎？我邊應酬他，邊看報紙，忽然看到今天蘋果刊的一則食肆廣告，是「稻香」的「一蚊雞」。
我：喂，你估稻香個ｄ一蚊雞係咪真架？會唔會去到又賣晒呢？
西：唔會，不過「豉油$90蚊一碟，薑葱$70一碟咋嘛，吃哩個雞又一定要連埋哩兩樣野先可以叫，先可以享有哩個優惠喎。」（他扮著女侍應的聲音，好賤！）
我：………（狂笑）………
西先生叫我致電V小姐，叫她週六一起出來晚飯。
我（致電V小姐）：今個週六晚你有時間嗎？亞西西里叫我們一起去吃飯喎。
V小姐：21號？我不可以呀，我亞爸生日。
我：吓？亞西都唔係個日生日！（我好賤！）
V：……………
我再跟西先生稟報，說V小姐沒空啦，你放過我啦，下週再約好不好？他死都不肯罷休，又說不如叫一兩個網友出來啦（！），可以增加刺激度（！！），而且應該很有趣。但我的日常生活已很刺激，不需要從徵友中獲得了。他不肯掛線，一直要我約網友出來，又說可以當是聯誼。我想知道這位先生是否黐了線，互不相識地出來，若是我，都會感到好驚，何況是去見天下第一二大的狂人？
我：唉，你真係好煩，得啦，最多我寫上BLOG，睇下有無人想唻啦。係咪個樣要好似「波兒」咁架？（超賤！）
西：係呀，似「波兒」呀，「龍貓」咁啦，最好係宮崎駿筆下個D人物，但千祈唔好係靚個D主角喎。
我：………好啦咁，哩個星期六晚丫嘛，我即管寫出來啦，睇下有無人想唻啦。有我同你兩個大傻。
西：喂，你估有無人帶埋把刀出唻，一見我就捅呢？
我：唔駛問呀大哥？！總之我會同你劃清界線囉。
但其實，真的有人會想來嗎？西先生說，是四個人的約會，他與我，再叫兩個不認識（！）的網友出來。又，其實他想找女朋友（想穩定及結婚的女子最佳）。
