Seoul @19-21 October 2024
快閃首爾，樂趣無窮。
對上一次去首爾係18年前，再之前都去過一次，果時仲叫「漢城」。印象中的Seoul就是言語不通以及泡菜，沒有特別喜歡不過可以揀的話，應該不會舉手搶叫去「首爾」。但神推鬼擁下還是去了（好似當時Cathy做buy one get one free的promotion，三日行程連酒店才$3300一個人）。我是黎大媽，最愛貪平買嘢yeah!!
本來以為無乜可買，但最後有17kg行李跟我返香港😏⋯⋯深信大部份踏入Olive Young的女士都會短暫迷失，「我喺邊？」；「我係邊個？」；「點解我手上拎住咁多嘢？？」…….. 然後你忽然被捲走一舊錢，然而買回來的東西究竟會不會用也是一個疑問。這，就是Olive Young的魔力。
交通：Uber Taxi勁平！市內點對點去邊都好，大約都係W10000樓下。唯一有些困擾係pick up point，稍一搞錯就會有天地棄我於不理的效果，因為你唔識韓文，司機伯伯不懂英文，你們隔了一個宇宙無法相遇令人浮燥。
食：我腸胃一向麻麻，所以其實韓嘢食並不太適合我。油/辣/重味……….試過有朝食完早餐無耐急速搞肚痛，作動程度尤如生得，喺街！好彩街上好多coffee shop可解燃眉之急😔
 |
| 熱鬧的熟食市場。但我怕怕。 |
首爾的人：
婦女們在推撞比賽中一定得到冠軍；
的士伯伯們的眼睛全都看不到iPhone上面的地圖又全部𢌥強不肯戴老花眼鏡；
年輕的sales們非常真性情，黑面咪黑面囉點吖(我okay的)；
他們不是無禮貌，而是比較粗獷(相對日本人的含蓄，他們似末日先鋒裡的人) 。
是次快閃令我有點喜歡上「首爾」。
