在時間短速的午飯時間裡，與友短聚。鼠小姐現在放著悠假，時時都很空閒，於是來了工廠區，與我跟eva吃飯。
坐下不久，鼠小姐就問，喂你有沒有拎熱痱水俾我呀？
我：慘，唔記得咗！
鼠小姐：吓？！你睇吓我家陣既情況幾嚴重！（一邊說，一邊摺高袖子，給我看她的腋下（！在食肆喎小姐！））
我：得得得，鎮定d先！我仲要吃嘢既。
鼠小姐：我只係想由哩個洞度，俾你睇下我個胸圍邊個d熱痱唧！（哇，那豈不是仲勁過腋下？！胸圍邊喎）
我：得，唔駛！下午即刻courier去你老公既公司！放過我。
+++++
我（跟鼠小姐說）：喂，如果你戴胸圍敏感，你可以唔戴，咪ok囉。
Eva：咁又唔得，佢唔戴胸圍出街，好似唔係好妥，會飛釘喎。
鼠小姐：咪係，你又成日咁掃我手臂，我陣間全身一震，凸點咪死！
（我愛與喜歡的人，有身體上的接觸。譬如說，如果一起坐，我就會不其然地靠近對方，或去輕掃對方的手臂。說著說著，我的老毛病又來了，竟然又不自控地去掃eva的手臂。）
Eva：！！哇！我！頂！你！呀！！
+++++
Eva（問鼠小姐）：喂昨天你去咗邊呀？
鼠小姐：無呀，出左尖沙咀買bb鞋囉。
Eva：鞋哩d野，梗係叫朋友送啦！
我：喂dior童裝家下減價啦仆街，你仲唔去睇！
鼠小姐：拿，dior哩d先叫朋友朋友送嘛。
我與Eva（異口同聲）：得啦，反正亞西成日返深圳。
鼠小姐，是一隻正宗的名牌狗！希望她的子女可以樸實一點吧。
+++++
鼠小姐（指著我）：喂你好似肥左少少喎。
我（馬上狡辯起來）：咩呀？！哩排瞓得少嘛，生陳代謝咪慢囉。
鼠小姐：咩呀？！你有排成日失眠添啦，咪瘦到成棚骨咁。
Eva：哩d就叫心廣體胖囉。
我：………………………………………
得！馬上減肥囉咩事唧~~~~~
謝謝鼠小姐的車厘子。
謝謝eva的太陽餅。
另外，有人好有心，買了手信送D San.........（好驚，應該是可以喝的東西，像十全大補酒一樣）（不會是虎鞭酒吧？！）
