與西先生閒聊的時間又到。
關於勇氣。
我：喂，你可否俾些少勇氣我呢？
西先生：你要ｄ勇氣唻做咩先？
我：你咪理啦，求其咆哮幾聲，當俾左我勇氣先啦。
西先生：嗱，我俾你唔係問題，但我一定要知你諗住做咩先。你諗住入去捅你老闆幾刀，同埋刺殺林肯係兩種勇氣唻噃。
我：林！肯！？（不是已故的總統嗎？）
+++++
關於生計。
我：死啦，以後我要吃垃圾啦，你點幫我先？
西先生：咁我去執垃圾俾你吃囉！
我：吓？！
西先生：咁仲唔算幫你呀？！
我：又岩。
西先生：你老闆有無送個H264俾你呀？（註：現在那個山茶花包包，已由2.55轉化成任何的字組）
我：無喎，我想要H5N2囉。
+++++
西先生進了急症室，據聞是手臂的韌帶斷了（！）。
我：搞咩唻呀你？
西先生：我唔知呀，總之我家下好痛囉。在急症室等左好耐，又無人理我。
我：房小姐呢？佢係咪唻梗搵你呀？
西先生（好洩氣）：唉，佢話要搵吃，唔得閒唻喎！
我：咁灰？！唉。咁你要引起醫務人員注意，你家下唯有跳part霹靂舞先，即係個背脊貼住個地面不停咁轉呀，你明我意思嘛？咁又唔會傷到隻手，又會大把人想衝埋你度囉。
西先生：我知邊種，但我會唻個鯉魚反身囉。
我：………………
