最不想面對的，當然是執拾衣櫃。整理出要拿去乾洗的衣服後，下一步是要大刀闊斧地清除疼血（？）。說大刀闊斧，只是口號，我幾乎沒有一次可以大刀斬下去。總有一些衣，明知不會再穿，但還是由舊居帶著走，一直不捨得扔棄。那件是限量版／哪件曾在天橋上亮相／這件是有記念價值的等等等等。我問自己，咁你會唔會再著先？答案是無限個肯定：不！會！......嗯，那麼，趁這個夏天前，就決絕地行動吧。
古先生常跟，像我這種典型的雙魚女，個性是難以捉摸的，所以他由開始認識我時，已全然接受不依常規的我。我問，你不認為我好有問題嗎？他說，不是呀，你很好呀。
我：你可以認真一點嗎？
古先生：我很認真的，現在最重要的事情，就是認真待你。
我：得啦，明架勒！哩d留番溝女時講啦，我家吓想打你囉！
古先生：又打？！......
今天某銷售經理行經我房間，跟我打招呼。
（心情欠佳的）我：喂，唻咗呀？
經理：係呀，同你打聲招呼囉，老闆呢？
我：剛返，但心情麻麻喎。
經理：噢......
我：點吖，係咪想同歸於盡呢？
經理：咁又唔好。你今日好燥吓喎。
我：走走走，咪阻住我做嘢。
（在這裡工作，最大的好處，是可以肆無忌憚！無論對著coo或cfo，都可以做回衰聲衰氣的自己。反而對職位較低的，我會很客氣）
下班時，朋友仔月夜神致電我，我說今天好煩啦，又多工作要處理。
月夜神：有幾煩呀，一腳伸佢咪ok囉。
我：咁唔得，我哩種文明人，要以文明既態度唻處理既。
月夜神：哇，文明已經走到盡頭呀？你竟然咁講？！
我：..................（他一直當我是生番）
晚上十點多，還是安排明早工作的事宜，又要致電司機，又要翻查舊紀錄.........。十級煩。
