未說yoko前，先得恭喜好朋友鼠小姐有了身孕。我說，你真幸福呀，這樣才是想要什麼，就得什麼。新生命與財富／權力不同，後兩者也許靠勤奮與頭腦再加上外來因素，最終都會得到，但小生命是上天的恩賜。在此，希望好友與小生命都健健康康。
賤口的人們，當然也不忘調戲她一番。
我：呀你先生貴姓話？
鼠小姐：姓黃呀。
我：咁諗左名未呀？如果係男仔，咁叫咩名好呢？
西先生：叫黃鼠龍啦！如果係女，就叫黃鼠狼。
我：！！！！！（狂笑了幾分鐘）（好賤！）
（再唻）我：咁幾時先知係仔定女呢？你想男定女先？
西先生（搶答）：佢梗係想仔啦，嗱，亞鼠，等我教你，你夾尖個肚啦，咁就會生仔架啦。
鼠小姐：吓？！
西先生：你咪成日買BOOT既，個D鞋盒咁大個，最岩用唻夾個肚！陣間返去就拎唻夾啦。包尖，一定生仔！
我：！！！！！（又開始狂笑）（唉其實我是否應該保護鼠小姐，不該讓他受到西先生的騷擾呢？）
+++++
開始燒去YOKO那裡了。唉。話說很久以前，YOKO曾在我們面前，以教徒的身份，誓神劈願地說，一定不會婚前性行為的。那天我們再問她，有了婚前性行為未？她就扮起失憶來。
YOKO：吓？！咩呀？？
西先生（咬著她不放）：你睇吓佢，個D魚尾紋出晒唻，肯定係瘋狂做愛先會咁啦！
YOKO：咩呀頂你！我無講過唔會婚前性行為囉，我肯定無講過！（但當時我們是幾十隻耳朵都聽到她如此說的）
西先生：你哩種「無定性喪心病狂症」，講過既嘢又唔認！又鍾意扮高潮，扮完高潮又肚餓要落街買雜誌！（留意：這句東西，與婚前性行為是完全無關的！扮完潮又肚餓要落街買雜誌喎！咩事呀？！）
房小姐坐在YOKO旁邊，笑得幾乎斷氣，但YOKO看來好憤怒，但又打不到坐她對面的西先生，只好不停作勢想打房小姐。
結論是：大家一致認為，YOKO有思覺失調，因為說過的話，完全可以忘記。
+++++
YOKO轉了工作，西先生問她現在，在哪裡工作，以及做什麼？
我（搶著幫YOKO代答）：佢？佢家吓咪拍AV囉！AV女郎呀！
西先生：唔怪得把聲變到老牛咁啦，梗係成日要嗌啦。
我：係呀，不停嗌「也媽嗲」（留意：請以老牛聲音讀出，很沉那種！）。
（大家開始狂笑起來）
EVA：仲有「kim more芝」呀！（日譯：好舒服！）
西先生：呀eva果然係勁，肯定成日勁煲AV碟呀吓。
我：KIM MORE芝~~~（老牛聲）
就這樣，我與西先生一唱一和，以老牛聲大叫起來，但當時呢，我們正在搭電梯喎，完全不理途人目光。而賤格的人，忽然來多句：「choto mate」（也是老牛聲，但是以鄭秀文那句歌詞的唱法，再加上AV女郎的媚態來叫！記住，是老牛聲。）於是，左邊一句老牛聲也媽嗲，右邊一句老牛聲kim more芝，然後再來多句蠻牛聲Chotomate………我好辛苦囉笑到！
而yoko呢，那刻完全無力反抗，任我們魚肉，好慘。
