今早突然想起，上週五放了塊黑古古力在西服外套的口袋裡，回到家都忘記拿出來了。週日的早上，拿著大堆衣服去乾洗，明顯那塊古古力老早已被遺忘。想到這裡，心都慌掉！馬上致電乾洗店，好驚啊啊啊啊，會不會整機衣服都古古力晒呢？（幸好他們還未開始洗）
+++++
上班途中，與某位在談電話（很善用時間），聊得興高采烈時，都忘記自己姓什麼了。返回辦公室後，某位賤口的同事跟我說………
同事：喂，投先在隧道見到你傾電話，你咪話我粗俗，我當時諗，呀邊條八婆咁嘈呀嗱？
我：！！！
同事：點知擰頭望到，先知係你。即刻無野講，行快兩步。
我：咁你係咪肯定咗一件事，我係一個死八婆丫？
同事（狂笑）：係囉！好嘈呀你。
我：得啦你咁講，我下次要講得更大聲。
後來搏打的我，又走去同事那裡………
我：喂，我將哩件事同我朋友講左，佢話唔係喎，仲話我今朝係電話度，好溫柔囉。
同事：咁一樣米養百樣人囉。
我：哩個就係你個結論？（心諗，佢既結案陳詞邊有咁好死呢？）
同事：個結論係，你都係一個死八婆！（說完馬上以誇張的跑姿，逃離現場）
我：！！頂你！！
+++++
有些人覺得「面子」是很重要的事，像我老闆。而我這種人，則向來什麼也不管，連面子是什麼，也不太清楚。要面子的人，是不是很介意別人怎看怎說呢？那樣不是很苦嗎？我只會在意別人的感受，但只限於那些我認為重要的人。
