而這位亞楊，被我狠插過後，好像忽然開了竅（這個世界上，真是什麼人也有）。
近來情緒稍為好轉的他，約我吃飯去。他事前問，你想吃什麼呢？「唔知喎。｣（我的例牌答案）。結果他選了「Nadaman｣。
+++++
身為一個貧家女，在香港是未曾吃過懷石料理的。以前的老闆愛去「Nadaman｣，常幫他訂位子，也知道那該是間高級食肆。於是在未去前，我曾問亞楊，喂那裡是否很昂貴的呀？亞楊就說，是呀好貴的所以你只可以叫個餐包。但那明明是日本餐廳，何來餐包呢？當我儍的嗎！
+++++
去到餐廳，己見亞楊端坐在那裡。我想說的是，無論怎樣，亞楊在守時方面，都是一個值滿分的人。一個男人，基本的風度，是無論約了任何女性（亞媽／上司／家姐細妹／女友／太太／朋友，全該一視同仁），都應守時。
一坐下，亞楊遞上餐牌，問我想吃什麼。「想吃什麼隨便叫啦，費時你又在個blog度寫衰我！………我發覺每次在你個blog度出現，都係負面形象，咁樣我點出去識女仔呀？！｣我當時想回他一句，你識不到女仔是因為你是處男而已！但當然，我沒有出聲，只是低頭勤快地看著餐牌。
+++++
席間提到學樂器。這位大哥為了自我增值(溝女潛力)，現在去了學色士風。又提到授課那位女老師，是個漂亮女子。
我：咁你追佢咪得囉，反正佢又唔知你係處男！
亞楊：梗唔得啦，陣間追到時，咁d學費點計呀？！
我聽到他這番言論後，完全儍了眼。這是人說的話嗎？那麼自大，真的想追就追到嗎？！甚至已想到不用交學費了！難道，他忘了自己是處男嗎？！（夠！我知他會來找我尋仇……）
+++++
飯後，他陪我散步回灣仔。
亞楊：同你食飯我先吃咁貴，同普通女仔，你同佢地吃貴少少，佢地就以為我想追佢。
我（一臉不願置信的神情）：吓？！吃貴少少，就以為你想追佢？！
亞楊：係架，唉，但佢地又唔明，其實我都想吃好d囉。
我：真係吃貴少少，就當你想追佢？！
亞楊：真架，係你先咁，同你吃幾貴，你都唔當一回事唧。
我：………………………………（因為我的味覺失調，所以吃多貴的一頓飯，我都不當一回事嗎？灰過紙紥公仔！）
亞楊：咁下餐我地吃咩呢？你諗咗未呀？
我：吓？！唔知喎。……………吃咩都得架？！（一臉貪婪的樣子）
亞楊：咁都唔可以餐餐吃咁貴架小姐，個budget係二千五啦下次。
我：！！！
……………我實在搞不清楚，究竟昂貴與便宜的界線。
