隔週六的早上，公司都會聘請花王上來看顧公司裡的植物。我們公司，應該被選為十大綠化公司的其中之一吧？！幾乎每個角落，都種有大大棵的盆栽。
我雖然喜歡植物，但只限公園或森林裡的，要我在室內種植，我會搖身一變，化成植物殺手。不過呢，對於綠綠的葉呀草呀，我還是挺喜歡的。於是常找機會，與花王閒聊。
花王常提到軟件（指花草樹木）。我在他旁，開始問他（白痴）問題。
我：一棵樹是否年歲無限，可以不停生長，一千年都唔死架？
花王：咁又唔係，都有年歲架，話晒室內嘛。同埋盆栽就好似寵物咁，要花時間打理同看顧佢，你有無養寵物吖？
我：有呀，我有養兩隻長毛貓囉。
花王：係勒，你都知要日日幫佢地梳毛同清潔啦。
我：無喎，我都唔理佢地既，由佢地自生自滅囉。
花王(呆咗）：吓！？.........唔得架喎，雖然遠睇佢地ok，但近睇就知佢地d毛一舊舊，同埋好多毛球。我養咗隻松鼠，日日都幫佢梳毛架。
我（大大的興奮，心想，花王果然真的非同凡響哦！養的寵物都那麼貼近大自然）：哇！！！松鼠？！？！？！？！有無相睇呀？點解松鼠肯俾你梳毛架？！佢幾大隻呀？！？！？！？
花王：佢好鍾意俾我梳毛架喎。
我：吓？！我在樹上見d松鼠係蹦蹦跳，同埋跑得好快架喎，佢點會企定定俾你梳毛架？！
花王：我隻係松鼠狗喎。
我（心想：頂！！！）：....................................
