女人常問的十大問題。
（點解我會知，因為，我都係女人囉！）（兼且是十分庸俗的那種）
1)你緊唔緊張我呢？（但當男人好緊張她時，又會覺得好煩………）
2)係咪最鍚我架？（當男人答：「係呀！」，女人一定會說：「係咪架？」信我！女人總是貪得無厭又多疑心）
3)你鍾唔鍾意我先？（只要男人答「鍾意」，下一個問題就會是………）
4)有幾鍾意呀？（然後男人就會好頭痕）
5)咁我靚唔靚呀?（小小溫馨提示：最好在女人未問前，告訴她覺得她好漂亮。息事寧人呀明白嘛）
6)我靚定ｘｘ靚先？點解呀？！（我想打人囉如果聽到有人咁問）
7)我肥唔肥呀？真架？！（即是得九十五磅還說要減肥的仆街居然夠膽死還問人自己肥唔肥！）（ok，我有103磅！）
8)如果我有咗bb咁點算呀？（但問這個問題時，你們也許還未做過愛喎）（即使做過愛，也不要對這種問題掉以輕心，除非你想辣慶她。標準答案：我最尊重你決定）（但若我是男人，我會答，「咁我地結婚吧！」唓，答唧，到時再算！）（我真的好有問題，幸好我不是男人………亞們）
9)我地既將來會點呢？（哇！好驚，要小心回答！）（作為一個負責任的男人，最好不要給予女人假象）（但若我是男人，我會………可惜我不是男人………）
+++++
以上問題，廿五歲之前我會狂問！
但問的次數會隨著年歲逐漸減少。
原因：因為自己心裡有數囉，所以不用開口再問了。
然後，到了三十幾歲後，當你有天忽然又開始心思思（抑或身痕）想再重問那些問題時，你忽然就會發覺，呀！原來女人呢，還是沒有變過的………在喜歡的人面前。還是依然，想問問那些好廢的問題。講完。
