現在公司的同事，看見無聊的我，也會配合一番｡例如，也會大叫一聲，｢喂~~~｣（高八度）｡我有時會冷冷地反問，｢黐線架？咩事呀？！｣當同事一臉愕然的時候，我就會狂笑一番｡唉｡
+++++
另一位秘書小姐走過來問，喂你中午想吃什麼呀？（多數叫外賣）
我：冬蔭公米線啦｡
秘書小姐：加咩呀？
我：雞翼啦，呀都係唔好，豬頸肉啦｡
秘書小姐：咁你實死！你知唔知d激素全由條頸打落去架？
我（震驚中！）：！！！！！
+++++
有時候忙，明明想去洗手間，但還是隔了半小時才可以去｡而又往往預備去洗手間的同時，忽然大量工作湧現，於是只好把準備去洗手間替換的衛生護墊隨便一放（！），埋頭再工作｡那個｢隨便一放｣，可以是桌子上，也可能放在櫃子頂｡有一次，女同事經過，看到那護墊，不懷好意地說：哩位同事，你立亂將ｄ咁野周圍放有無搞錯呀！然後我就想，呀如果老闆看到會點呢？護墊那麼輕盈不夠勁，一於放塊巨型夜安衛生巾在桌面上先夠震撼！
+++++
今早西先生致電我，因為正在談電話，故此沒有接聽｡午飯時間他又再致電我｡
西先生（十分懊惱的聲音）：你做咩唔聽電話呀？我今早打俾你，係叫你救命架你知唔知呀？
我：吓？！
西先生：有急事呀今朝搵你，成日唔聽我電話！
我（正與同事午飯中，明顯不耐煩中）：咩事呀大哥？！
西先生：你有無關心過我呀？！
我：得！你講！咩事？！
西先生（鼓起最大勇氣的聲音）：今日落大雨，我無帶遮呀！等你救命架嘛！
我：！！！#$%^&()_%&^&()_@#$%^&！！！
西先生：我俾大水沖咗去斯里蘭卡呀！
我：哇，咁家下係咪collect call唻架？！
西先生：仆街啦你｡
如是者，約了今晚吃飯，再無聊過｡
