很久沒寫與西先生的對談，主要是，唉，我的午飯時間有時都在忙，他大哥有時致電來，我也無暇應付。
今早這位先生一早打給我。先吩咐我買票（！）（LOVE PSYCHEDELICO來港開演唱會啊啊啊啊啊，好興奮！），然後又開始無聊對話。
我：喂，昨晚呢我睇梗本書好勁架，係講五億年後，所有地球上既人死晒，只剩番D為左迎合弱肉強食既生物，好離奇架佢地個樣！（某程度上我其實頗喜歡看那種帶點科幻，又能實際地研究到將來生物的書）（我是達文z）。
西先生：有咩好睇呀又？
我：你估如果去到五億年後，你會變種成點呢？
西先生（馬上發揮其小宇宙）：我呀？我會變成一劈野囉，綠綠D色好似鼻涕咁。
我：係咪腥腥臭臭咁架？好似精液咁？（留意：當時我在地鐵裡！）
西先生：係呀，發炎咁既味囉！咁可以無人敢唻吃我。
我：！！！（又岩喎！）（有什麼生物會喜歡吃發炎味的東西呢？……但發炎的味道？即係點？！）
+++++
談到我近來在忙什麼。
西先生：你點呀近來，成日都咁忙咁？
我：唉，一匹布咁長。如果五億年後，我可能進化成一部打字機囉。
西先生：哦，翻譯羊語呀？
（註：以前在舊公司「X記」，不知怎的，有一次要幫老闆致電去一個牧場（忘了原因），後來被西先生知道後，他就馬上覺得我好勁，因為呢，他覺得屬於萬能秘書的我，連羊的語言都能翻譯。還即場示範：
（西先生扮）羊大哥（致電來辦公室）：咩~~~~~~~~(很懨悶的羊叫聲)
然後我就即時知道：哦，同我講梗「早晨」。
羊大哥：咩咩咩~~~(咆哮羊叫)~~~~~~
我：明晒！即係話今日D草好乾，叫D工人醒定D！
OK，這個翻譯羊語言的遊戲，那時我們整天都在玩。有一陣子，我真以為自己懂聽羊叫的內裡意思了。
+++++
談到工作。
西先生：喂，你又話辭職唔做，點呀家下？（我二月時好想辭職不幹的，大家都知道）
我：唉，真係辭職我做得D咩呀？唔通去七仔拮燒賣咩？到時遇到你咁既客，肯定仆街啦。
西先生：無錯！我會要五百蚊燒賣，然後叫你分開袋！
我（狂笑中）：頂！五百粒都要分開袋？！咁賤？
西先生：咩呀？！仲要一粒有辣椒油，一粒無咁！
我：………(喪笑不停)………
+++++
談到我爸回鄉。
西先生：你爸個鄉下咁遠，可唔可以叫佢搬近個鄉下少少呀？
我：吓？！
西先生：叫佢搬近香港啦，唔好齊齊哈爾咁遠啦，叫佢搬個鄉下在深圳咪好囉。
我：妖咪玩啦。
西先生：咁係丫嘛。呀我有辦法，直頭可以叫佢搬個鄉下唻香港喎。
我：？
西先生：九龍城咪有個小泰國既，你可以叫你爸搬個「小齊齊哈爾」過埋去。
我：！！！
西先生：你係孝順既，到時叫「蕭邦生雪」製個冰雕放在九龍城個條「小齊齊哈爾街」囉。
我：八月個時？
西先生：係勒無錯，就係最熱個時。到時咪搵埋我呀，亞鼠呀咁，扮齊齊哈爾人一齊跳吓舞大家開心吓。
我：...........................................
