九月的週六及日節目，看來排得滿滿，不過最萬眾期待的，似乎是中秋過後那個週六的燒烤大會。繼上次的「埃及之夜」後，不知今次會否又來搞搞新意思。不過，中秋過後，大家應該只會帶來吃剩的月餅吧？（我只想吃咸蛋黃！）
今早與才俊談電話，他說，唯一的請求，是該次的抽獎，請大家不要再拿舊有的東西循環再抽。
唉，沒法子，當你抽到snoopy水杯／唔等駛擺設／大英帝國整套VCD等等時，難道你會任它留在家中嗎？唯一的去處，就是等下次，拿出來再抽過哦。
我將才俊的請求與西先生說起，他的反應很激動………
西先生：哇，邊夠佢兩伉儷毒先？我地只係抽埋Ｄ嘢令人一肚氣，但你記唔記得上次BB拎D過期「金莎」俾大家吃先？個D簡直係吃到人一肚菌喎！你評吓理勒！
我：咁，你又岩。
+++++
提到才俊是個I.T.狂熱份子，城中任何最新的科技玩意，他都要第一個擁有。
我：喂，你估BB會唔會燒嘢食，都帶埋部I-PAD出唻呢？
西先生：梗係會啦，如果你送個I-PAD腰包俾佢，等佢可以索部I-PAD在條腰度，佢就最開心，因為真係實用丫嘛。
我：………咁我諗諗………。(馬上聯想到那個畫面，I-PAD很大部的哦，繫在腰間，會不會很爆先？)
+++++
談到燒烤之夜有什麼遊戲可玩。
我：不如玩踩波啦，好耐無玩過，好刺激呀！（這種原始的小朋友遊戲，其實久不久玩一下，是很刺激好玩的）
西先生：好啊！我一定插好多釘在對白飯魚，拮爆晒你地D波囉。
我：不如夾個獎金係五舊水啦，邊個係最後勝利者，邊個獨得。
西先生：哇肯定班人今日收工已去咗練習。
我：（狂笑中）………喂你提議吓仲有咩遊戲啦。
西先生：耍盲雞囉。
我：好玩喎，用條棍不停狂打耍盲雞那位仁兄個頭！
西先生（喪笑）：係呀，係咁用狼牙棒打濕佢個頭囉。佢一除低條手巾，我地就散晒。
好無聊。應該那天晚上，更無聊。
