+++++
回到公司，我想到，身邊有值得信任的朋友，那真是一件幸運又幸福的事。
+++++
近來發了一次脾氣，很小的事。源於有人不斷從麥噹勞換來好些世界盃的玻璃杯。當我看到那些玻璃杯時，心火就莫明地燒起來。直至看到第三隻，實在忍不住，開始大罵。我說，黐線的嗎，你有很多個口嗎？幹嘛要拿那麼多這種沒有品味又不有型的杯子回家呢？你家很大嗎？八千呎嗎？對方回應說，那是去買套餐時送的。我更狂燥，簡直像被人用紅油淋在火舌上一樣，「送就要架勒？你有無用先？做人唔係咁囉，一D都唔環保！要唻有無用先？？！(這句話重覆了五千遍)」我將這事，分別告訴了兩個人，其一是D San，他一聽，馬上說，「哇你個人都夠仆街勒你，人地只係要三隻杯唧，咁你成屋都係衫又點計先？學人講環保！！」
我（死撐）：咩呀？個d衫我會著，但d杯有無咁多個口用先？
D San：你咪理，我Monday用哩隻，Tuesday用個隻，Wednesday用另一隻。一星期七日，日日用唔同色，你吹咩？！
我：頂你！
其二是鼠小姐，她聽後冷笑一聲，然後說，如果那個儲杯的人是我，你會不會發脾氣先？
我（馬上沉思）：都會架！問題係唔環保囉，唔係人地送就要架嘛，搞錯呀。個重點係，件嘢有無用囉。
鼠小姐：如果係我，你真係會發脾氣？！
我：少少囉，但唔會講粗口囉。（愈講愈縮）
