大家的好友鼠小姐，自從懷孕後，已很深居簡出。在與西先生的對談中，有以下的對話：
西先生：喂，幾時出唻呀？
我：是旦啦，又話唱K？但亞鼠唔唻喎。
西先生：係呀，佢話怕K場通風系統唔好，對BB有害吖嘛。
我：哇頂呀，唔係卦？咁呼吸都死架喎。
西先生：咪係！又唔見佢去D名店，嫌人地D通風設備唔好？第時佢個仔出世，唔識叫媽咪架，只識叫mi…miu miu；亦唔識叫爸爸架，會叫pa…prada；介紹自己叫寶寶時，仲衰，會話自己係bo…blvgari！
我（喪笑不停中）：咁如果佢個bb叫我呢？
西先生：本來想叫你auntie，但唔知點解，都會叫咗Gucci。
我：！！！！！（他真是一個仆街來的）
西先生：咁亞鼠以為自己個小朋友有閱讀障礙，因為d音完全讀歪晒，但其實唔係囉，嗰d叫「名牌障礙症」囉。
我：唉。
