與相識十多載的好友賤butt邊散步邊閒聊，他提到自己的戀愛史。他說呀，自己那麼大個人，才戀愛過兩次，一次是女朋友，一次就是現任的妻子。至於其它的女伴，全是用來填肚子，沒有感情的（果然夠真夠直接呀吓！所以我們做到好朋友）。
我：我知，我明，你好雜吃架嘛。
Butt：嗱，你又唔好咁講，我雖然雜吃，但都有要求既。
我：即係，雜吃都要揀過？雜吃都有尊嚴？
Butt（喪笑）：唔錯！哩個形容幾好。「雜吃的尊嚴」！
我：即係「雜吃的尊嚴之歌舞昇平日日啅」？我知你有要求，肥膩嘢你唔吃丫嘛。
房小姐插嘴：咩呀？！肥但cute都ok架喎！
Butt：都可以既………。
結論：他果然是雜吃的人，但有尊嚴囉，佢話。
+++++
這個晚上的其中一個話題，還有吉隆坡之旅。
「我想去Kuala Lumpur呀！」（此際各人都拿出自家的iphone來夾日子）
「有咩好玩呀吉隆坡？不如去kk啦。」
「kk好貴喎！個package成五千幾喎。」
「咁不如去九寨溝。」
「大陸喎！！！！」
「去悉尼啦，平呀家下d機票。」
「我知，一個大人去，一個小童免費丫嘛。亞z扮小童，賤butt扮弱能啦，都應該可以過到關。」（說時遲那時快，賤butt此時就扮起弱能仔來……）
「澳元家下超貴喎！」
「咁不如去京都吖！好浪漫呀，我想去行古廟，想去感受淨化之旅。」
「哇日元家下對九喎！」
「妖不如去歐洲啦，家下歐羅咁平。」
「我地去四日咋喎，搭飛機都去左兩日啦頂！玩嘢呀？」
「去菲律賓啦不如。」
「吓？！cebu呀？！好懨喎。」
此際有人大喝一聲：「唉，算！去番吉隆坡啦！咪煩！！」
開始check機票與酒店價格！
