兩則小事想寫下來。
（其一）
當電影裡的劉生不時有女人自動獻身，兼把日常使費塞給他時，我留意到坐我旁邊那位，馬上現出疑似豔羨的神情。好了，散場後，他就說出了心底話。
「呀點解咁多女人黐埋佢度呢？而且仲好靚添喎。哇如果個十七歲既舞女黐埋我度，呵呵呵………（發出一輪淫笑聲）」
「呀佢有咩法寶呢吓？！係咪個度識轉彎呢你話？！」
「定係佢個d眼神呀姿勢呀可以殺女人於無形呢？」（我於是推波助瀾，叫他拿拿聲今晚回去對著鏡子苦學一番）（又加多句，如果你做得好，最多我明天出唻襟定錢塞俾你）
「喂你話點解咁多人女人會鍾意佢呢？」（又問！）
「哇溫碧霞在床上除定衫等佢喎！真係由十七歲到七十歲都被佢冧到喎，點解呢？」（仲問喎！）
整整一程車，我都有點疲於奔命地回答他的問題。不外乎都是叫他回家自行練習男主角的小動作………我覺得，那些小動作，看來有點不覊哦！（雖然男主角的長相有點老態………但D San是OK的………）
+++++
（其二）
電影完畢時，字幕上升，但整間戲院還處於漆黑中，不知何解，人們可能認為還有餘片未播，於是死都賴在櫈子上乾等。我當時就想，黐線架又不是周星馳的電影，咪癲啦點會仲有餘片未播呢？但，我旁邊那位仁兄心不死，堅持不走（！），說要等待字幕打出THE END才會離座。我呢，當時已有點不耐煩，因為像我這種性急的人，永遠是散場時，第一個衝出電影院的。本來想小聲問清潔亞姐，喂亞姐係咪完晒勒？（無錯，當時那些負責清潔的亞姐已蜂擁而出）又被D San阻止。
就這樣，坐在漆黑的環境裡，足足等了五分鐘（？）。然後，銀幕裡真的打出了The End。然後，全場開了燈。然後，那刻我想打人！！！
