話說某個週日，西先生伉儷與eva他們北上尋樂。但又有誰知道，我zzlai的blog已廣泛流傳到大中華呢？話說在深圳東門某潮流熱點，竟有我的fans（？）遇到西先生仝人，兼且能把西先生認出來啊啊啊啊啊！（問題一：究竟是我的blog紅一點，還是西先生更紅呢？）
這位讀者朋友二話不說，馬上通知我。其實向來都有這種情況，好些朋友在路上遇見疑似西先生的男性，都會馬上傳我電郵，問個究竟。而這種電郵哦，我年中真的收到不少。（問題二：何解這些讀者朋友，不直接走上前相認呢？雖然現實裡的西先生有點強姦犯的模樣，但其實他的人品不壞，不會真的強姦／雞姦你哦！）
我第二天就馬上求證西先生了。他直認不諱。然後，有了以下的對話：
西先生：哎呀咁點算呀（完全沾沾自喜的樣子）？！真係有華人既地方，就有人識我囉！
我：你咁講，即係你係男版鄧麗君啦。
西先生：張學友得唔得呀？
我：張學友唔夠勁呀，鄧麗君先多人識呀，中國十億人識喎。
西先生（在毫無預兆下，忽然唱起歌來）：你問我愛你有多深~~~我愛你有幾分~~~（以老牛聲的國語唱出，而且還刻意模仿學友的震音）
我（狂笑）：咩事呀？！夠勒！
西先生（扮作苦惱）：唉，咁點算呀我家下咁多人識，我會唔會成為第二個毛澤東架？
我：毛澤西？！但你要整秃自己先喎。
西先生：我要練定d簽名囉，陣間有人追車都唔知點算………
我：……………………………………
+++++
常常收到讀者們的來信，問我西先生的近況。看來，大家都非常想念他。最多，我叫他傳我近照，放在這裡好了。
都是不好，我會放在微博裡！！（死未）
