林語堂有本名著叫「生活的藝術」，我也想寫本「生活的驚喜」。（但內裡全是三級的喎！）（我當然不會膚淺到教你六十八式啦，不，是七十二式………不過除了招式，還有些仲勁的哦！）（夠！）
+++++
新一輪的「米星星」出現後，大家的話題開始轉移去吃的方面。我說，好想去「一點心」或「添好運」吃中式點心啊！但其實對於中式點心，今年好像已吃了五年的總和。真的好喜歡吃嗎？嗯，又不是。於我而言，只要材料新鮮，調味控制得宜，以及即叫即蒸／煎／炸，很難不好吃的吧？
看到筲箕灣的「恒河咖哩」也入選，我心裡馬上歡呼起來。哇我簡直是「吃之街霸」哦，因為我也去過那裡吃咖哩，不過已忘了味道。說實在，關於味覺，我自知不太敏銳，但味道卻能激發起我的想像。而每次，想起哪間食店，總不會想到它的味道，而是當時與誰人同去的畫面。
+++++
今早與D San談電話，期間提到京滬食肆。我問，我們吃完中餐，我可否叫一份「高力香蕉」做甜品呢？
D San：吓？！一係呢，就高力荳沙，一係呢，就拔絲香蕉，我無聽過高力香蕉囉。
我：無理由架喎，我吃過架喎！真係高力香蕉唻架喎！………如果拔絲的話，我想吃拔絲蕃薯呀。
D San：咁拔絲禾桿草都好好吃，你要唔要試吓？！
我：$%^&*()&*()#$%^&*()_$@#$%^&
+++++
今早與同事的對話，環繞著新辦公室。
同事：新Office有缸魚架噃，到時可能要你打理。
我：關我叉事呀？妖唔怪得哩排佢係咁叫我幫佢搵水族館既電話。
同事：到時d魚死咗，肯定要你買番囉。
我：黐線架，咁玩吓手日日都死幾條喎，你知公司咩事啦。
拍檔聽到，就罵我：你把口咪咁賤啦好心。
我：咩呀？！到時日日要走去筲箕灣買魚，我搭的士架！邊得閒理佢呀。
同事：哇仆街咯咁遠架？！………
好煩，新寫字樓擺了好些風水陣，又麒麟，又風水魚，每個房間裡又有好些風水格局，真是寫實的大迷信啊！
