八月好多人生日啊！明天的聚餐，將會美而其名為各位壽星祝壽，但實質是………
今天與Yoko閒聊了一會，不外乎為了明天的蛋糕而討論討論。這位小姐好慘，明明是主人家，卻還要在生日之時，落手落腳焗製蛋糕給大家享用。這都算了，最慘絕人寰的是，又遇到意見多多的人喎（即我！）。
我說，喂有人提議你，不如弄個腳型的蛋糕出來呀。
Yoko：頂你呀！我生日呀，唔可以咁囉。邊個提議我打邊個！（說時咬牙切齒）
我：okok。咁明天你諗住整咩蛋糕先？爆d好唔好？最好呢，係個色好怪，例如寶藍色，或深紫色，但吃落去呢，又完全唔係個種顏色反映出唻既怪囉。例如豆腐味呀，牙膏味呀咁！
Yoko：頂你呀！家吓邊個生日呀？！..........你有咩味係唔吃架？
我：唓，我提議吓唧。我唔想吃芝士味囉。不如整青檸乳酪味蛋糕吖（！）（找死嗎？）。
Yoko（馬上上網找食譜）：我要check check先喎，酸既嘢，我怕會變味喎。
我：哇，咁唔好咯，我唔想大家食物中毒入瑪麗囉！
Yoko：喂，唔係喎，都應該得喎，咁明天一於吃豆腐青檸蛋糕啦！
我：…………………（暗暗祈禱）……………………
+++++
黃昏時份與西先生通電話，提到yoko的蛋糕。
我：唉，我話有人提議佢，要佢整腳型蛋糕，佢小到我爆呀！
西先生：可能佢家吓已將隻腳倒模梗，整個蛋糕啦，佢唔會令我地失望既。
我（狂笑）：咁又係。定係佢諗住拎隻真腳俾我地吃呢？！
西先生：咁仆街？！如果佢肯拎隻腳出唻，咁非洲應該有幾條村落都唔駛鬧飢荒。
我（狂笑）：你咪咁賤啦，反而我覺得佢拎隻腳出唻，可以抵消民族仇殺喎。
西先生：係架，人人都唔駛再為咗食物而爭奪，咩仇口都無晒啦。你唔係唔知佢隻腳，夠我地吃兩年零八個月架！
我：………………（笑到斷氣）………………………
+++++
大家都為了明天的抽獎環節而傷透腦筋。或者該說，大家都在備戰中吧？！我以為自己那幾份禮物，已很仆街了，一直擔心著會被人打。但當知道有人的禮物，比我更不堪時，我就變得非常憤怒，想打人！是用摺櫈，車向人的頭那種。
千萬千萬，不要給我抽中鼠小姐那份啊唔該！亞賤butt那份，我也不想抽中！唉，好擔心。
