果仔說近來很忙，不停在電話中埋怨。
我：哇，咁你咪瘦成個碼？
果仔：係呀，家下著42碼咋我！
我：！！！（狂笑中）（男裝42碼喎，玩嘢嗎？）
+++++
談到小丁。
我：喂，你有無睇過露體狂小丁個blog呀？
果仔：妖，你咁out架！一早有啦。佢係我朋友唻架。
我：哇)))))))))))))))佢真人點架？好熟架你地？（後來知道，小丁與果仔都有一堆共同朋友的，故此常在某些場合可以碰頭）
果仔：又唔係好熟。
我：佢個胸好豐滿呀，我都想咁。
果仔：我地成班男人研究過，覺得d相最大問題，係你睇完後，等於無睇過咁。
我（明他在說什麼）：我知，因為佢成個鄰家女孩咁，我作為一個色情狂既女人，睇完後，我都無咩反應同遐想。
（這是真心話，我一點不覺得那些照片色情，只覺是生活的一部份，所以一點邪念都沒有。要是我，哼！一定拍些讓人血脈沸騰的！例如真空穿圍裙呀／穿那個叉開到上腰際的旗袍呀／穿學生妹裝束但手執膠棒一大條呀之類……。）（我知道此時此際，有人會在電腦前妖妖聲，然後會馬上致電我，說：Auntie，你今年多大呀？……多謝你的提醒呀吓D San）
果仔：係囉，就係咁。
我：咁你識佢，佢好唔好人架？
果仔：ok啦，真人無乜點。
我：咁我好人d，定佢好人d呀？
果仔（反應很大）：梗係佢啦！佢會除衫俾人睇，你唔會喎。
我：#$%^&()_%^&()_%^&()_#$%^&()_+%$^&()
+++++
提到一個共同朋友亞P。
果仔：我上次同亞P傾計，佢話近來學梗打坐，可以調整自己既呼吸，繼而令嗅覺更加敏銳架！
我：堅唔堅呀？
果仔：係呀，佢話如果專注打坐，可以令嗅覺聞到平時聞唔到既氣味架（繼而提出多個例子）。
我：唓，咁又點唧？！
果仔：無呀，我咪問佢，咁如果專心打坐，可唔可以令條J既感官都大一百倍囉！（果然是個淫賤的仆街！）
我：你無嘢呀嘛？！咁得唔得先？？（自己也想試試………）
果仔：妖，佢話唔得呀，因為如果成日用既感官，靈敏度無咁高架喎。
我：………（默言，灰晒）………
++++++
我：喂，出唻食飯再傾啦，要將哩D咁賤既話題，延續落去嘛。
果仔：但出唻我唔講嘢架喎！
我：頂你！
