其實呢，每天在公司都好開心！因為我那些同事們都是奇芭，每天大家在逆境中振臂求存，久而久之，彼些簡直都心連心了。
其實呢每天都有超多賤爆的對話。但我真的好怕死，曾想過寫出來，等大家也可以一齊笑吓，不過一想到網絡世界的威力，馬上止步。
好吧，只寫些輕磅的吧。
*****
工程部某經理近來為了公司內部裝修的事情非常頭痕，不是小小痕那種，是完全想換過一個頭那種。今天又被老闆召喚，事後我問他喂你死得未？
經理(苦笑)：邊有咁易？！
我：哇，你幾時變得咁茁壯成長？
經理：我意思係，為左佢死唔值得，我要頂住。
我：鬼唔望陣間搞多你一鑊。
經理：…………………………………………..
*****
老闆叫FM個亞頭開會，我騰雞地問喂有無嘢PRINT出唻架？老闆無文件在手我好無安全感喎（試過無印文件出來然後馬上被炸）(但其實那個會應該是天馬行空沒有文件跟身的)（但身為忍辱負重的打工仔，老闆叫你印你就印啦，於是我印了與會議無關的東西給他。他很滿意）。
FM亞頭：真係無嘢PRINT架，佢傾D嘢咁闊。
我：佢話傾FINANCE FACILITY D嘢喎。
FM亞頭：咁即係你同你老公講，要傾下屋企嘢，邊有重點架？！一係離婚囉。
我：……………………………………. (完全感受到他的壓力何其大)
