Thursday, January 19, 2023

受損衣服檔案。

自從養左現在兩隻貓後,我盤點過自己個衣櫃,真係好多衫都被咬爛/抓爛。OK佢哋除左哩樣嘢,基本上都好乖,好守規矩(真係??)。

每爛一件衫,我會安慰自己,「當清衣櫃囉」。上個月連續咬爛兩件風褸,我暗自同自己講,「正喎!咁多件風褸都著唔晒,依家有藉口掉」(自從做運動後,我好似買左十幾件風褸)。

當然也有心痛時刻,例如新買的西裝褸,只著過一次,第二次已見到被抓到甩晒線!又例如我有條超靚的連身裙,裙尾全部被咬到穿晒窿……所以早上偶爾在走廊都會聽到我的慘叫聲。


新的受害衣物:此恤衫真係有十幾年歷史(接近廿年)。雖然已好殘舊,但我依然很喜歡。當年常買VIKTOR&ROLF這個牌子的衣飾,不過在去舊迎新法不停運行下,衣櫃只剩下這件恤衫。

*衫中間穿洞,應該是以此衫依附再向上攀爬。**我常推斷衣服是在什麼環境下破損。

BYE BYE我的V&R