每次經過銅鑼灣的三田製麵所，都見到門前的人龍像長城一樣長又長。我心想，真有那麼好食嗎？！抑或只因為人排我又排的心態？……
週六早上十一點剛好路經此地，店剛開，一個人也沒有，於是建議自己不如吃個早午餐。
沾麵分四個份量，大／中／小同價錢，但加大則要多加點錢。永遠在這種關頭上，我是情願要少一點總好過吃不完浪費。當日值班的，是個年約45-50歲的阿姐。她前來問我要什麼，於是開始了對答。
我（麻叉煩地）問：請問細份量有幾大碗呀？
阿姐：要中（份量）啦，叫細我怕你唔夠食呀！（說時邊打量我的身形，邊用手肘撞撞我，像是給了我重大的貼士一樣）
我心諗，頂呀現在我個樣好大食嗎？！但都禮貌地繼續對答：咁我要細啦，怕食唔晒。
阿姐：吓？！唔好，你叫細，無得再添架！要中（份量）啦，食唔晒咪由佢囉。
我（有少少動搖，怕得三成飽，但最後都堅拒）：得架勒，要細啦。
阿姐不再言語，落單後去忙其它。半晌後，我的沾麵來到。哇幸好叫了小份量！其實我覺得頗大碗。費了九牛二虎之力才吃完，然後飽到黃昏。真要謝謝自己的堅持！否則食剩東西的我，應該下到地獄要食畢整座生前浪費的食物山，才能投胎為人吧。
大多的時候，並非與價錢有關。明知吃不完，我情願自動減半；猜到不會用，那些贈品就主動說不要。為環保出一分力，也尊重食物。
